പിറവം : സുപ്രീം കോടതി വിധിയിലൂടെ പട്ടിക വിഭാഗ സംവരണത്തിൽ മേൽത്തട്ട് പരിധിക്കും , ഉപവർഗ്ഗീകരണത്തിനും സംസ്ഥാനങ്ങൾക്ക് അധികാരം നൽകുന്നതിനെതിരെ കേന്ദ്ര൦ നിയമ നിർമ്മാണം നടത്തണമെന്നും സംസ്ഥാനങ്ങൾ ധൃതി പിടിച്ചു നടപ്പിലാക്കരുതെന്നും ആവശ്യപ്പെട്ടു പ്രധാനമന്ത്രിക്കും, മുഖ്യ മന്ത്രിക്കും ദളിത് , ആദിവാസി സംയുക്ത സമര സമിതി പിറവം യൂണിയന്റെ നേതൃത്വത്തിൽ പിറവം പോസ്റ്റ് ഓഫീസിൽ എത്തി കത്തയച്ചു പ്രതിഷേധിച്ചു . പ്രതിഷേധ സമരം കെ.പി.എം.എസ്. സംസ്ഥാന സമിതി അംഗം കെ.ടി. ധർമ്മജൻ ഉദ്‌ഘാടനം ചെയ്തു. സമിതി പ്രസിഡണ്ട്കെ.ടി. തങ്കച്ചൻ, രമണി എം.കെ, എം.എ. വാസു, രാജേഷ് ആലപുരം, ബെൻഷി പി. തോട്ടം എന്നിവർ പ്രസംഗിച്ചു.