പിറവം : വികസിത കേരളം എന്ന മുദ്രാവാക്യവുമായി എൻ.ഡി.എ സ്ഥാനാർഥി ജിബി എബ്രഹാം പിറവം നിയോജകമണ്ഡലത്തിലെ വികസന കാഴ്ചപ്പാടുകൾ പിറവം പ്രസ്സ് ക്ലബ്ബിലെത്തി മാധ്യമ പ്രവർത്തകരുമായി പങ്കുവച്ചു . പിറവത്തിന്റെ സമഗ്ര വികസനത്തിന് ഉതകുന്ന പദ്ധതികൾ നടപ്പിലാക്കുകയും, പിറവം മേഖലയിലെ സഭാ തർക്കങ്ങൾ രമ്യമായി പരിഹരിക്കാൻ ഇടപെടലുകൾ നടത്തുമെന്നും അദ്ദേഹം അറിയിച്ചു. സ്ഥാനാർത്ഥിക്കൊപ്പം എൻ.ഡി.എ. പിറവം നിയോജകമണ്ഡലം ചെയർമാൻ എം.എൻ. മധു, ബി.ജെ.പി. ജില്ലാ ജനറൽ സെക്രട്ടറി ഇ.ടി.നടരാജൻ ,ബി.ഡി.ജെ.എസ് . ജില്ലാ ജനറൽ സെക്രട്ടറി എം.എ. വാസു, 20-20 മണ്ഡലം കോ-ഓർഡിനേറ്റർ പി.വൈ എബ്രഹാം മുൻസിപ്പൽ കൗൺസിലർ ഉണ്ണി വല്ലയിൽ തുടങ്ങിയവർ സംബന്ധിച്ചു. തുടർന്ന് സ്ഥാനാർഥി പിറവത്ത്‌ വ്യാപാരികളോടും വോട്ടഭ്യർത്ഥിച്ചു