പിറവം : ഓർത്തഡോക്സ് സഭയുടെ പൂർണ്ണ അവകാശത്തിലും , നിയന്ത്രണത്തിലുമുള്ള പിറവം സെന്റ് മേരീസ് ഓർത്തഡോക്സ് സിറിയൻ കത്തീഡ്രലിൽ അനധികൃതമായി കയറാനായുള്ള യാക്കോബായ വിഭാഗത്തിന്റെ ശ്രമത്തിനെതിരെ പള്ളിയിൽ കൂടിയ മാനേജിങ് കമ്മറ്റിയുടെയും, ഭക്ത സംഘടനകളുടെയും യോഗം ശക്തമായി പ്രതിഷേധിച്ചു. പരമോന്നത സുപ്രീം കോടതിയുടെ ഉത്തരവും, പോലീസ് സംരക്ഷണവും ലഭിച്ചിട്ടുള്ള പള്ളിയിൽ , പിറവം പള്ളിയുമായി യാതൊരുവിധ ബന്ധമില്ലാത്ത ഒരു കോടതി ഉത്തരവിന്റെ മറവിൽ യാക്കോബായ വിഭാഗം പള്ളിമുറ്റത്ത്‌ സ്ഫോടക വസ്തുക്കൾ പൊട്ടിച്ചു ഭീകരാന്തരീക്ഷം സൃഷ്ടിക്കുകയും വൈദീകരെയും , വിശ്വാസികളെയും അസഭ്യം പറയുകയും ചെയ്ത്, മനഃപൂർവ്വം സംഘർഷം ഉണ്ടാക്കാനുള്ള നടപടിയാണെന്നും യോഗം ആരോപിച്ചു. ഇതിനെതിരെ 29 ഞായറാഴ്ച രാവിലെ 11 മണിക്ക് പ്രതിഷേധ യോഗം സംഘടിപ്പിക്കുമെന്ന് ഭാരവാഹികൾ അറിയിച്ചു.