പിറവം : മാറ്റ പെരുന്നാൾ എന്ന് പുകഴ്‌പെറ്റ ചരിത്രപ്രസിദ്ധമായ മാമലശ്ശേരി മാർ മിഖായേൽ ഓർത്തഡോക്സ് സുറിയാനി പള്ളിയുടെ പ്രധാന പെരുന്നാളിന് നിയുക്ത മലങ്കര മൽപ്പാൻ വെരി .റവ. ഫാ. ഡോ. ജോൺസ് എബ്രഹാം കോനാട്ട് കൊടിയേറ്റി . മെയ് 14 15 തീയതികളിൽ ആയി നടക്കുന്ന പെരുന്നാളിന് പതിനാലാം തീയതി രാവിലെ 6 .30 വിശുദ്ധ കുർബാന ,വൈകിട്ട് 5 മണിക്ക് പള്ളിസാധനങ്ങൾ മേബൂട്ടിൽ നിന്നും പള്ളി അകത്തേക്ക് കൊണ്ടുവരുന്നു. തുടർന്ന് 6 .30 പെരുന്നാൾ സന്ധ്യാനമസ്കാരം ഡോ. യൂഹാനോൻ മാർ മിലിത്തിയോസ് മെത്രാപ്പോലീത്തയുടെ പ്രധാന കാർമികത്വത്തിൽ. 7 . 30 വചന ശുശ്രൂഷ എട്ടുമണിക്ക് പ്രദക്ഷിണം, 9 30 ആശീർവാദം , നേർച്ച സദ്യ. പതിനഞ്ചാം തീയതി ബുധനാഴ്ച രാവിലെ 6 . 30 വിശുദ്ധ കുർബാന ,8 30ന് വി.മൂന്നിന്മേൽ കുർബാന ഡോ.യൂഹാനോൻ മാർ മിലിത്തിയോസ് മെത്രാപ്പോലീത്തയുടെ മുഖ്യ കാർമ്മികത്വത്തിൽ , 10 .30 പെരുന്നാൾ സന്ദേശം ,11 മണിക്ക് മാലാഖയുടെ രൂപം എഴുന്നുള്ളിപ്പ്, 11 30 പ്രദക്ഷിണം, 12 മണിക്ക് ആശിർവാദം, നേർച്ചസദ്യ വൈകുന്നേരം 3 മണിക്ക് കൊടിയിറക്ക് . പെരുന്നാൾ പരിപാടികളുടെ ഒരുക്കങ്ങൾ പൂർത്തിയായതായി വികാരി ഫാ. ഷിബു കുരിയൻ, ട്രസ്റ്റി ജേക്കബ് കമ്പക്കാലുങ്കൽ , ജനറൽ കൺവീനർ ജോൺ മാത്യു ,പെരുന്നാൾ കമ്മിറ്റി കൺവീനർ ഫിലിപ്പോസ് കെ. യു, യുവജനപ്രസ്ഥാനം ഭാരവാഹികളായ ലിജോ ജോയി, സുബിൻ ബേബി എന്നിവർ അറിയിച്ചു.