കോലഞ്ചേരി:കുന്നത്തുനാട് എംഎൽഎ അഡ്വ.പി.വി ശ്രീനിജിന്റെ അധ്യക്ഷതയിൽ കുന്നത്തനാട് നിയോജകമണ്ഡലം തല ജനകീയ കമ്മിറ്റി എക്സൈസ് വകുപ്പിൻ്റെ ആഭിമുഖ്യത്തിൽ വടവുകോട് ബ്ലോക്ക് ഓഫീസ് കോൺഫറൻസ് ഹാളിൽ വച്ച് ചേർന്നു. കുന്നത്ത്നാട് എക്സൈസ് സർക്കിൾ ഇൻസ്പെക്ടർ ബിനു എസ് സ്വാഗതം ആശംസിക്കുകയും കഴിഞ്ഞകാല പ്രവർത്തനങ്ങളെ സംബന്ധിച്ചുള്ള റിപ്പോർട്ട് അവതരിപ്പിച്ചു. അനധികൃത മദ്യം മയക്കുമരുന്ന് എന്നിവയുടെ നിർമ്മാണം, ഉപയോഗം, വിപണനം എന്നിവ തടയുന്നതിന്റ ഭാഗമായുള്ള എൻഫോഴ്സ്‌മെന്റ് പ്രവർത്തനങ്ങൾ ശക്തിപ്പെടുത്തുന്നതിന് വേണ്ടിയുള്ള നിർദ്ദേശങ്ങൾ അംഗങ്ങൾ യോഗത്തിൽ ഉന്നയിച്ചു. വിവിധ പഞ്ചായത്തുകളിലെ പ്രസിഡന്റ്മാർ, സെക്രട്ടറിമാർ, ബ്ലോക്ക് ഡെവലപ്മെന്റ് ഓഫീസർമാർ, അസിസ്റ്റന്റ് എ ഇ ഒ,സി ഡി എസ് ചെയർപേഴ്സൺമാർ, വിവിധ സ്കൂളിലെ ഹെഡ്മാസ്റ്റർമാർ, എസ് സി/എസ് ടി ബ്ലോക്ക്തല ഓഫീസർമാർ, പി ടി എ പ്രസിഡൻ്റുമാർ, പുത്തൻകുരിശ് പോലീസ് സബ് ഇൻസ്പെക്ടർ എന്നിവർ യോഗത്തിൽ സംസാരിച്ചു.