പിറവം : ഓണക്കൂർ ദേവീ ക്ഷേത്രത്തിലെ തിരുവുത്സവത്തോടനുബന്ധിച്ചു മകം തൊഴൽ നടന്നു. ഒരാഴ്ചയായി നടക്കുന്ന ഉത്സവ ചടങ്ങുകളുടെ ആറാം ദിനം ഉത്സവബലിയുടെ തുടർച്ചയായണ് മകം തൊഴൽ നടന്നത്. മേൽശാന്തി നടുവിലേമഠം നിർമൽദാസ് നമ്പൂതിരിയുടെ കാർമികത്വത്തിലാണ് മകം തൊഴൽ ആരംഭിച്ചത്.   ചിത്രം : ഓണക്കൂർ ദേവീക്ഷേത്രത്തിൽ നടന്ന മകം തൊഴൽ  

പിറവം : മുത്തോലപുരത്ത് തെരുവുനായ ശല്യം രൂക്ഷം. വെട്ടിയടിത്താഴത്ത് പരവുമ്മേല്‍ ബേബി, പുളിഞ്ചുവട്ടില്‍ അനി എന്നിവർക്ക് നായയുടെ കടിയേറ്റു. ഇരുവരും പിറവം താലൂക്ക് ആശുപത്രിയില്‍ ചികിത്സതേടി. രാവിലെയും സന്ധ്യാസമയത്തും ഇലഞ്ഞി, മുത്തോലപുരം പ്രദേശങ്ങളില്‍ തെരുവുനായശല്യം രൂക്ഷമാണ്.   വളർത്തു മൃഗങ്ങളേയും അക്രമിച്ചതായി ഉടമകള്‍ പറഞ്ഞു. പ്രദേശത്ത് നായ്ക്കള്‍ കൂട്ടംകൂടിയും അല്ലാതെയും അലഞ്ഞുനടക്കുന്നത് വിദ്യാർഥികളടക്കമുള്ള കാല്‍നടയാത്രക്കാർക്ക് ഭീഷണിയായി