പിറവം : ആരാക്കുന്നത്ത്‌ വീടിന് സമീപത്ത്‌ വച്ച് വിദ്യാർത്ഥിയെ തട്ടിക്കൊണ്ട് പോകാൻ ശ്രമം നടന്നതായി പരാതി. വെള്ളിയാഴ്ച ഉച്ചക്ക് 2 -നു അരക്കുന്നം സ്വകാര്യ എഞ്ചിനീയറിംഗ് കോളജിനു സമീപമുള്ള സ്ഥലത്ത്‌ വച്ചാണ് ഒൻപതു വയസ്സുള്ള കുട്ടിയെ ഒരാൾ തട്ടിക്കൊണ്ട് പോകാൻ ശ്രമിച്ചതായി പറയുന്നത്. ചെക്ക് ഷർട്ടും , കവി മുണ്ടും ധരിച്ച താടിയുള്ള ഒരാളാണ് എത്തിയതെന്ന് കുട്ടി പറയുന്നു. കൂട്ടുകാരന്റെ വീട്ടിലേക്കു പോകുമ്പോഴാണ് സംഭവം ഉണ്ടായത്‌. മുളന്തുരുത്തി പോലീസിൽ നൽകിയ പരാതിയെത്തുടർന്ന് ഇൻസ്‌പെക്ടർ മനീഷ് കെ പൗലോസിന്റെ നേതൃത്വത്തിൽ അന്യോഷണം ആരംഭിച്ചിട്ടുണ്ട്.