പിറവം : നിയമസഭാ തിരഞ്ഞെടുപ്പില്‍ തൃക്കാക്കര, എറണാകുളം, പിറവം സീറ്റുകള്‍ എൻ.ഡി.എയോട് ആവശ്യപ്പെടാൻ നാഷണലിസ്റ്റ് കേരള കോണ്‍ഗ്രസ് ജില്ലാ കമ്മിറ്റി യോഗം തീരുമാനിച്ചു.2014 മുതല്‍ എൻ.ഡി.എ അംഗമായ പാർട്ടിക്ക് അർഹതപ്പെട്ട സീറ്റുകള്‍ അനുവദിക്കണമെന്ന് യോഗം ആവശ്യപ്പെട്ടു. ജില്ലാ പ്രസിഡന്റ് ജോർജ് ഷൈനിന്റെ അദ്ധ്യക്ഷതയില്‍ ചേർന്ന യോഗത്തില്‍ സംസ്ഥാന ചെയർമാൻ കുരുവിള മാത്യുസ്, ജനറല്‍ സെക്രട്ടറിമാരായ എം.എൻ. ഗിരി, ജോണി കെ. ജോണ്‍, റോണി മാത്യു, ഭാരവാഹികളായ വി.എസ്. സനല്‍കുമാർ, സൈനബാ പൊന്നാരിമംഗലം, എൻ. രാധാകൃഷ്ണൻ, ജിൻസി ജേക്കബ് തുടങ്ങിയവർ സംസാരിച്ചു.