പിറവം: പിറവം ഗവ. താലൂക്കാശുപത്രിയിൽ ഗൈനക്കോളജി വിഭാഗം

ആരംഭിക്കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. സംസ്ഥാന സർക്കാരിൻ്റെ മൂന്നാം വാർഷികത്തിൻ്റെ നൂറുദിന കർമ്മപദ്ധതിയിൽ ഉൾപ്പെടുത്തി പിറവം നഗരസഭ ഗവ. താലൂക്കാശുപത്രിയിൽ

നിര്‍മ്മാണം പൂര്‍ത്തിയായ പുതിയ ഒ.പി. ബ്ലോക്കും ആധുനീകരിച്ച ലാബും ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.

അനൂപ് ജേക്കബ് എംഎൽഎ അധ്യക്ഷനായി. അഡ്വ. കെ. ഫ്രാൻസിസ് ജോർജ് എം.പി. മുഖ്യാതിഥിയായി. നഗരസഭ ചെയർപേഴ്സൺ അഡ്വ.ജൂലി സാബു, ജില്ല മെഡിക്കൽ ഓഫീസർ ഡോ.കെ.സക്കീന, വൈസ് ചെയർമാൻ കെ.പി സലിം, സ്ഥിരം സമിതി അധ്യക്ഷരായ ഷൈനി ഏലിയാസ്, അഡ്വ.ബിമൽ ചന്ദ്രൻ, വത്സല വർഗീസ്, കൗൺസിലർമാരായ ബാബു പാറയിൽ, ഏലിയാമ്മ ഫിലിപ്പ്, തോമസ് മല്ലിപ്പുറം, ഡോ.അജേഷ് മനോഹർ, പി. ഗിരീഷ് കുമാർ, ജോജിമോൻ ചാരുപ്ലാവിൽ, പ്രശാന്ത് മമ്പുറത്ത്, സിനി ജോയി, ആർ. പ്രശാന്ത്, രമ വിജയൻ, രാജു പണാലിക്കൽ, മോളി വലിയകട്ടയിൽ, അന്നമ്മ ഡോമി, ബബിത ശ്രീജി, മോളി ബെന്നി, ഡോ.സജ്ജിനി പ്രതീഷ്, ഡോ.കെ.ആർ രാജൻ, ഡോ.പി.എസ്. ശിവപ്രസാദ്, സി.കെ പ്രകാശ്, പി.ബി രതീഷ്, പി.സി ജോസ്, ജോർജ് ചമ്പമല, രാജു തെക്കൻ, എം.പി ജോസഫ്,

സോജൻ ജോർജ്, സിജു ഗോപാലകൃഷ്ണൻ, ഡോ.ടി.പി. സിന്ധു തുടങ്ങിയവർ സംസാരിച്ചു.ദേശീയ ആരോഗ്യദൗത്യം വഴി ലഭ്യമായ 2.35 കോടി രൂപ ഉപയോഗിച്ചാണ് പുതിയ കെട്ടിടം നിർമിച്ചത്. മൂന്ന് നിലകളിലായി പരിശോധന -ചികിത്സാ മുറികൾ, കാത്തിരിപ്പ് കേന്ദ്രങ്ങൾ, ഫാർമസി, നേഴ്സിങ്ങ് സ്റ്റേഷനുകൾ, കോൺഫറൻ‌സ് ഹാൾ അടക്കം 17,000 ചതുരശ്ര അടി വിസ്തൃതിയുള്ളതാ ണ് പുതിയ കെട്ടിടം.

ചിത്രം: പിറവം ഗവ.താലൂക്ക് ആശുപത്രിയില്‍ നിര്‍മ്മാണം പൂര്‍ത്തിയായ പുതിയ ഒ.പി. ബ്ലോക്കും ആധുനീകരിച്ച ലാബും ആരോഗ്യ മന്ത്രി വീണാ ജോര്‍ജ് ഉദ്ഘാടനം ചെയ്യുന്നു.