മണീട് ഏഴക്കരനാട് ഗവ. ആയുർവേദ ഡിസ്പെൻസറിക്ക് പ്രഥമ ആയുഷ് കായകൽപ്പ് പുരസ്കാരം
പിറവം : എറണാകുളം ജില്ലയിലെ മണീട് ഗ്രാമപഞ്ചായത്ത് ഏഴക്കരനാട് ഗവ. ആയുർവേദ ഡിസ്പെൻസറിക്ക് പ്രഥമ ആയുഷ് കായകൽപ്പ് പുരസ്ക്കാര അവാർഡ് ആരോഗ്യ വകുപ്പ് മന്ത്രി വീണാ ജോര്ജ് പ്രഖ്യാപിച്ചു. സംസ്ഥാനതലത്തിൽ 100% മാർക്കോട് കൂടി ഒന്നാം സ്ഥാനം നേടിയ ഏക സ്ഥാപനം എന്ന നേട്ടവും ഇതോടൊപ്പം കൈവരിച്ചു. ഒരു ലക്ഷം രൂപയും പ്രശസ്തിപത്രവുമാണ് പുരസ്കാരമായി ലഭിക്കുക . സര്ക്കാര് ആയുഷ് ആരോഗ്യ സ്ഥാപനങ്ങളിലെ ശുചിത്വം, മാലിന്യ പരിപാലനം, അണുബാധാ നിയന്ത്രണം എന്നിവ വിലയിരുത്തി പ്രോത്സാഹിപ്പിക്കുന്നതിന് വേണ്ടി സര്ക്കാര് ആവിഷ്ക്കരിച്ച അവാര്ഡാണ് കേരള ആയുഷ് കായകല്പ്പ്. സംസ്ഥാനത്തെ സര്ക്കാര് ആയുഷ് സ്ഥാപനങ്ങളുടെ ഗുണമേന്മ ഉറപ്പാക്കുകയാണ് ഇതിലൂടെ ലക്ഷ്യമിടുന്നത്. കേരളത്തിലെ എല്ലാ ആയുര്വേദ, ഹോമിയോപ്പതി ജില്ലാ ആശുപത്രികള്, സബ് ജില്ലാ/താലൂക്ക് ആയുഷ് ആശുപത്രികള്, ആയുഷ് ആരോഗ്യ സ്വാസ്ഥ്യ കേന്ദ്രങ്ങള് (എ.എച്ച്.ഡബ്ല്യൂ.സി.) എന്നിവയില് നിന്ന് പല ഘട്ടങ്ങളിലായി തിരഞ്ഞെടുക്കപ്പെട്ട മികച്ച ആരോഗ്യ സ്ഥാപനങ്ങള്ക്കാണ് ആയുഷ് കായകല്പ്പ് അവാര്ഡ് നല്കുന്നത്. വിവിധ മാനദണ്ഡങ്ങളുടെ അടിസ്ഥാനത്തില് പരിശീലനം ലഭിച്ച അസ്സസര്മാര് നടത്തിയ മൂല്യ നിര്ണയം ജില്ലാ/ സംസ്ഥാന കായകല്പ്പ് കമ്മിറ്റികള് വിലയിരുത്തുകയും സമാഹരിച്ച റിപ്പോര്ട്ടുകള് പരിശോധിച്ച് കായകല്പ്പ് അവാര്ഡ് നിര്ണയ കമ്മിറ്റിയാണ് ഏറ്റവും മികച്ച സ്ഥാപനങ്ങളെ തെരഞ്ഞെടുത്തിരിക്കുന്നത്.
ചിത്രം : മണീട് ഏഴക്കരനാട് ഗവ. ആയുർവേദ ഡിസ്പെൻസറി
