പിറവം : വൈസ്മെൻ ഇന്റർനാഷണൽ മിഡ് വെസ്റ്റ് ഇൻഡ്യാ റീജിയൻ ഇലഞ്ഞി ടൗൺ ക്ലബ്ബിന്റെ ആഭിമുഖ്യത്തിൽ ഗ്രാമപഞ്ചായത്തിന്റെയും മുത്തോലപുരം ആയുർവേദാശുപത്രിയുടെയും സഹകരണത്തോടെ ഔഷധക്കഞ്ഞി വിതരണവും ബോധവൽക്കരണ ക്ലാസും നടത്തുന്നു. ജൂലൈ 27 തിങ്കളാഴ്ച്ച രാവിലെ 11-ന് മുത്തോലപുരം ആയുർവേദാശുപത്രി ഹാളിൽ വൈസ്‌മെൻ ക്ലബ്ബ് പ്രസിഡന്റ് ഫാ.ഡോ.ജോൺ എർണ്യാകുളത്തിലിന്റെ അദ്ധ്യക്ഷതയിൽ ചേരുന്ന യോഗത്തിൽ ഗ്രാമപഞ്ചായത്ത് പ്രസിഡന്റ് ഷിബു കെ.ജി പരിപാടിയുടെ ഉദ്ഘാടനം നിർവഹിക്കും. ഗ്രാമപഞ്ചായത്തംഗങ്ങളും പൊതുപ്രവർത്തകരും പങ്കെടുക്കുന്ന സമ്മേളനത്തിൽ ഡോ.ദിവ്യാ .സി.നായർ ക്ലാസ്സുകൾ നയിക്കും.