പഞ്ചായത്തിന്റെ നേതൃത്വത്തിൽ കുപ്പി, കുപ്പിച്ചില്ല്, പാഴ്‌വസ്തു ശേഖരണം നടത്തി.
By root തിരുമാറാടി : പഞ്ചായത്തിന്റെ നേതൃത്വത്തിൽ കുപ്പി, കുപ്പിച്ചില്ല്, പാഴ്‌വസ്തു ശേഖരണം നടത്തി.
തിരുമാറാടി പഞ്ചായത്തിന്റെ നേതൃത്വത്തിൽ മാലിന്യമുക്ത നവകേരളം ക്യാമ്പയിന്റെ ഭാഗമായി കുപ്പി കുപ്പിച്ചില്ല്, ചെരുപ്പ്, ബാഗ്, ഇ – വേസ്റ്റ് എന്നിവ ശേഖരിച്ച് ക്ലീൻ കേരള കമ്പനിക്ക് കൈമാറി. സംസ്ഥാനത്തെ മാലിന്യമുക്തമാക്കുന്നതിന് സർക്കാർ ഏറ്റെടുത്തിരിക്കുന്ന മാലിന്യമുക്ത നവകേരളം ക്യാമ്പയിന്റെ ഭാഗമായി തിരുമാറാടി പഞ്ചായത്ത് ഏറ്റെടുത്തിരിക്കുന്ന ശുചിത്വം സുന്ദരം തിരുമാറാടി ക്യാമ്പയിന്റെ ഭാഗമായിട്ടാണ് പഞ്ചായത്തിന്റെ വിവിധ കേന്ദ്രങ്ങളിൽ കളക്ഷൻ പോയിന്റ്കൾ നിശ്ചയിച്ച് ശേഖരിച്ച 12 ടണ്ണോളം പാഴ്വസ്തുക്കളാണ് ക്ലീൻ കേരള കമ്പനിക്ക് കൈമാറിയത്. പാഴ്‌വസ്തുക്കൾ കയറ്റിയുള്ള വാഹനത്തിന്റെ ഫ്ലാഗ് ഓഫ് പഞ്ചായത്ത് പ്രസിഡന്റ് അഡ്വ.സന്ധ്യാമോൾ പ്രകാശ് നിർവഹിച്ചു. പഞ്ചായത്ത് വൈസ് പ്രസിഡന്റ് എം.എം.ജോർജ്, സ്ഥിരം സമിതി അധ്യക്ഷരായ അനിത ബേബി, രമ എം കൈമൾ, സാജു ജോൺ, പഞ്ചായത്ത് അംഗങ്ങളായ കെ.കെ.രാജ്‌കുമാർ, ആലീസ് ബിനു, സുനി ജോൺസൻ, നെവിൻ ജോർജ്, ആതിര സുമേഷ്, സി.വി.ജോയ്, എം.സി.അജി, ബീന ഏലിയാസ്, സെക്രട്ടറി പി.പി.റെജിമോൻ, അസിസ്റ്റന്റ് സെക്രട്ടറി എസ്. സാബുരാജ്, ഹെഡ് ക്ലർക്ക് ബിനോയ് ബേബി, എച്ച്.ഐ.ശ്രീകല ബിനോയ്, വി.ഇ.ഒ ആർ.പ്രിയരഞ്ജൻ, ഹരിത കർമ്മ സേനാംഗങ്ങൾ എന്നിവർ സന്നിഹിതരായിരുന്നു.
ഫോട്ടോ : തിരുമാറാടി പഞ്ചായത്തിന്റെ നേതൃത്വത്തിൽ മാലിന്യമുക്ത നവകേരളം ക്യാമ്പയിന്റെ ഭാഗമായി കുപ്പി കുപ്പിച്ചില്ല്, ചെരുപ്പ്, ബാഗ്, ഇ – വേസ്റ്റ് എന്നിവ ശേഖരിച്ച് ക്ലീൻ കേരള കമ്പനിക്ക് കൈമാറുന്നു.
