പിറവം : രാജീവ് ഗാന്ധി കൾച്ചറൽ ഫോറം കഴിഞ്ഞ പന്ത്രണ്ട് വർഷക്കാലമായി നിരാലംബരായ, നിർധനരായ, വിധവമാരായ അമ്മമാരെ സഹായിക്കുന്ന പദ്ധതിയുടെ ഭാഗമായി മന്നാ ചാരിറ്റബിൾ ട്രസ്റ്റിന്റെ ഉമ്മൻചാണ്ടി സ്നേഹസ്പർശം പദ്ധതിയുമായി സഹകരിച്ചു പിറവം മേഖലയിലെ, 400 ഓളം രോഗികൾക്കുള്ള ഭക്ഷ്യ ധാന്യ കിറ്റുകൾ വിതരണം ചെയ്തു. പിറവം കമ്പാനിയൻസ് ക്ലബ്ബിൽ നടന്ന ചടങ്ങിൽ ഫോറം ചെയർമാൻ സാബു കെ. ജേക്കബിന്റെ അദ്ധ്യക്ഷതയിൽ മന്നാ ചാരിറ്റബിൾ ട്രസ്സ് ഡോ. മറിയ ഉമ്മൻ സഹായ വിതരണം ഉദ്ഘാടനം ചെയ്തു. ഇതോടൊപ്പം പരേതനായ പിറവം മഠത്തിപ്പറമ്പിൽ എം.സി. വർക്കി മെമ്മോറിയൽ നൽകുന്ന ചികിത്സാ സഹായവിതരണവും നടന്നു. യോഗത്തിൽ ചിറ്റിലപ്പിള്ളി ഫൗണ്ടേഷൻ ഡയറക്ടർ ഡോ. ജോർജ്ജ് സ്ലീബാ, ആലുവ രാജഗിരി ഹോസ്പിറ്റൽ അസോസിയേറ്റ് മെഡിക്കൽ ഡയറക്ടർ ഡോ. ജേക്കബ് വർഗീസ് മഠത്തിപ്പറമ്പിൽ, റോട്ടറി ഗിഫ്റ്റ് ഓഫ് ലൈഫ് നാഷണൽ കോ. ഓഡിനേറ്റർ ഡോ. എ.സി. പീറ്റർ, പിറവം കരുണാലയം ഡയറക്ടർ ഗീവർഗീസ് മുളയംകോട്ടിൽ കോറെപ്പിസ്കോപ്പ, ക്രിസ്തുരാജ പ്രയർ സെന്റർ ഡയറക്ടർ ബ്രദർ ജെയ്സൺ കെ. സ്കറിയ, ഫോറം ജോ. സെക്രട്ടറി കുര്യൻ പുളിയ്ക്കൽ പിറവം പ്രസ്സ് ക്ലബ്ബ് എം.റ്റി. പൗലോസ് എന്നിവർ സംസാരിച്ചു. കൾച്ചറൽ ഫോറം ഭാരവാഹികളായ പോൾ കൊമ്പനാൽ, ഏലിയാസ് വെട്ടുകുഴി, രാജു പാണക്കാട്ട്, ജോളിമോൻ കൊമ്പനാൽ , രവി ശ്രാമഠത്തിൽ, മാത്യു മൈലാടി എന്നിവർ കിറ്റ് വിതരണത്തിന് നേതൃത്വം നല്കി. ഫോറം ജനറൽ സെക്രട്ടറി തമ്പി പുതുവാക്കുന്നേൽ സ്വാഗതവും മുൻ പഞ്ചായത്തംഗം ടോണി ചെട്ടിയാകുന്നേൽ കൃതഞ്ജതയും അറിയിച്ചു.

ചിത്രം : രാജീവ് ഗാന്ധി കൾച്ചറൽ ഫോറം മന്നാ ചാരിറ്റബിൾ ട്രസ്റ്റിന്റെ ഉമ്മൻചാണ്ടി സ്നേഹസ്പർശം പദ്ധതിയുമായി സഹകരിച്ചു നടത്തിയ രോഗികൾക്കുള്ള സഹായ വിതരണത്തിന്റെ ഉദ്‌ഘാടനം ഡോ. മറിയ ഉമ്മൻ നിർവഹിക്കുന്നു.