പിറവം റോഡില്‍ വാഹനാപകടം : വിദ്യാർത്ഥിക്ക് ദാരുണാന്ത്യം
By root പിറവം : മൂവാറ്റുപുഴ- പിറവം റോഡില്‍ വാഹനാപകടം. എയ്ഞ്ചല്‍ വോയ്സ് ജംഗ്ഷനിലാണ് കെഎസ്‌ആർടിസി ബസ്സും കാറും കൂട്ടിയിടിച്ചത്.കാറിലുണ്ടായിരുന്ന ആറുപേർക്ക് പരിക്കേറ്റു. കോതമംഗലം എം എ കോളേജ് വിദ്യാർത്ഥികളാണ് കാറിലുണ്ടായിരുന്നത്.
പിറവത്തെ അരീക്കല്‍ വെള്ളച്ചാട്ടം സന്ദര്‍ശിച്ചതിന് ശേഷം മടങ്ങി വരികയായിരുന്ന വിദ്യാര്‍ത്ഥികളുടെ കാറാണ് അപകടത്തില്‍പ്പെട്ടത്.
മൂവാറ്റുപുഴ ഭാഗത്ത്‌ നിന്ന് പിറവം ഭാഗത്തേക്ക്‌ പോകുകയായിരുന്ന ബസുമായാണ് കാർ കൂട്ടിയിടിച്ചത്.
പരിക്കേറ്റ് രണ്ട് പേരെ ആലുവ രാജഗിരി ഹോസ്പിറ്റലിലും 3 പേരെ മൂവാറ്റുപുഴ നിര്‍മ്മല ആശുപത്രിയിലും പ്രവേശിപ്പിച്ചു.
അപകടത്തില്‍ കാർ ഓടിച്ചിരുന്ന വിദ്യാർത്ഥി തൃശ്ശൂര്‍ പൊറത്തിശ്ശേരി ചെല്ലിക്കര സിദ്ധാര്‍ത്ഥ്(19) ആണ് മരിച്ചത്.
