പിറവം: പിറവം സെന്റ് ജോസഫ്‌സ് ഹൈസ്കൂൾ വർണ്ണിക 2024 സ്‌കൂൾ കലോത്സവം വാദ്യകലാപ്രതിഭ പാഴൂർ ഉണ്ണി ചന്ദ്രൻ ഉദ്ഘാടനം ചെയ്തു.

പി.ടി.എ പ്രസിഡന്റ് ബിജു തങ്കപ്പൻ അധ്യക്ഷത വഹിച്ചു. പ്രധാനാധ്യാപകൻ ദാനിയേൽ തോമസ് , കലോത്സവ കൺവീനർ പ്രിയാ പോൾ, ഏലിയാസ് പോൾ. ഇ എന്നിവർ സംസാരിച്ചു.

തുടർന്ന് മൂന്നു വേദികളിലായി ഇരുപതോളം ഇനങ്ങളിൽ കലാപ്രതിഭകൾ മാറ്റുരച്ചു. 27 ന് നടക്കുന്ന സമാപന സമ്മേളനം സെന്റ് ജോസഫ്‌സ് ഹൈസ്‌കൂൾ പൂർവവിദ്യാർത്ഥി പാമ്പാക്കുട ഗ്രാമപഞ്ചായത്ത് പ്രസിഡന്റ് ശ്രീകാന്ത് നന്ദൻ ഉദ്ഘാടനം ചെയ്യും.

ചിത്രം: പിറവം സെന്റ് ജോസഫ്‌സ് ഹൈസ്കൂൾ വർണ്ണിക 2024 സ്കൂൾ കലോത്സവം വാദ്യകലാപ്രതിഭ പാഴൂർ ഉണ്ണി ചന്ദ്രൻ ഉദ്ഘാടനം ചെയ്യുന്നു.