ട്രെയിന്‍ യാത്രയ്ക്കിടെ പാമ്ബുകടിയേറ്റ് കോട്ടയം മെഡിക്കല്‍ കോളജില്‍ ചികിത്സയിലായിരുന്ന തെങ്കാശി ശങ്കരംകോവില്‍ ചിന്നക്കോവിലകംകുളം സ്വദേശി കാര്‍ത്തിക് ആശുപത്രിവിട്ടു
കോട്ടയം: ട്രെയിന്‍ യാത്രയ്ക്കിടെ പാമ്ബുകടിയേറ്റ് കോട്ടയം മെഡിക്കല്‍ കോളജില്‍ ചികിത്സയിലായിരുന്ന തെങ്കാശി ശങ്കരംകോവില്‍ ചിന്നക്കോവിലകംകുളം സ്വദേശി കാര്‍ത്തിക് ആശുപത്രിവിട്ടു.യുവാവിനെ കടിച്ചത് വിഷമില്ലാത്ത പാമ്ബാണെന്ന നിഗമനത്തിലാണ് ആശുപത്രി അധികൃതര്‍.
തിങ്കളാഴ്ച രാവിലെ പത്തിന് ഗുരുവായൂര്‍-മധുര എക്‌സ്പ്രസില്‍ പിറവം റോഡ്-ഏറ്റുമാനൂര്‍ സ്റ്റേഷനുകള്‍ക്കിടെയാണ് സംഭവം. പാമ്ബു കടിയേറ്റ യുവാവിനെ ഏറ്റുമാനൂര്‍ റെയില്‍വേ സ്റ്റേഷനില്‍ ഇറക്കിയശേഷം കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയായിരുന്നു. തുടര്‍ന്ന് കോട്ടയം റെയില്‍വേ സ്റ്റേഷനില്‍ എത്തിയ ട്രെയിനില്‍ പരിശോധന നടത്തിയ ശേഷം കോച്ച്‌ അടയ്ക്കുകയും യാത്രക്കാരെ കോച്ചില്‍ നിന്നു മാറ്റുകയുമായിരുന്നു.
