കീഴില്ലം :കീഴില്ലം നവജീവൻ കവലയിൽ ബൈക്കുകൾ തമ്മിൽ കൂട്ടിമുട്ടി നെല്ലാട് മഞ്ചനാട് പാലച്ചുവട് സ്വദേശി അഭിനവ് ജയൻ (19) മരണപ്പെട്ടു. വടക്കേകരയിൽ വീട്ടിൽ ജയൻ്റെയും രമ്യയുടെയും മകനാണ് അഭിനവ്. സഹോദരി അഭിരാമി . തിരുവനന്തപുരത്ത് മൈബൈൽ ടെക്നീഷ്യനായി ജോലി ചെയ്തു വരികയായിരുന്നു.കൂടെയുണ്ടായിരുന്ന നെല്ലാട് സ്വദേശി ബെൻ സജി മണിയിരിക്കൽ, തിരുവനന്തപുരം സ്വദേശി ആഷ്ലി , മറ്റേ ബൈക്ക് ഓടിച്ച തൊടുപുഴ സ്വദേശി ജിമ്മി പടുക്കാച്ചി എന്നിവരെ പെരുമ്പാവൂർ സാൻജോ ഹോസ്പിറ്റലിൽ പ്രവേശിപ്പിച്ചു. വൈകിട്ട് 6.35-നായിരുന്നു അപകടം നടന്നത്.