പിറവം: മുളക്കുളം സർവീസ് സഹകരണ ബാങ്കിന്റെ 97- മത് വാർഷിക

പൊതുയോഗം ബാങ്ക് പ്രസിഡണ്ട് അഡ്വ. സഖറിയാ വർഗീസിന്റെ അധ്യക്ഷതയിൽ നടന്നു.

ബാങ്ക് ഓഡിറ്റോറിയത്തിൽ നടന്ന ചടങ്ങിൽ ബാങ്കിലെ മെമ്പർമാരുടെയും ജീവനക്കാരുടെയും കുട്ടികളിൽ ഉന്നത വിജയം നേടിയവർക്കുള്ള വിദ്യാഭ്യാസ അവാർഡുകൾ കൗൺസിലർമാരായ അന്നമ്മ ഡോമി, മോളി വലിയകട്ടയിൽ എന്നിവർ വിതരണം ചെയ്തു.

തുടർന്ന് സെക്രട്ടറി ബീന കുരുവിള അവതരിപ്പിച്ച റിപ്പോർട്ടും കണക്കും യോഗം പാസ്സാക്കി. ഭരണസമിതി അംഗങ്ങളായ ജോസഫ് കെ.പുന്നൂസ്, റെജി മന്നാച്ചിയിൽ, പ്രശാന്ത് മമ്പുറത്ത്, സാബു ജോൺ, അനിൽ കുമാർ, സിന്ധു സുകുമാരൻ, ലിൻഡ ഏലിയാസ്, ഉഷ സുരേഷ് എന്നിവർ പ്രസംഗിച്ചു.

ജോർജ് സി. പോൾ, ജോയി നരേക്കാട്ട് തുടങ്ങിയവർ പങ്കെടുത്തു.

പോസ്റ്റ് ഓഫീസിന് വേണ്ടി പാലച്ചുവട് ബാങ്ക് കെട്ടിടത്തിലെ മുറി വാടക രഹിതമായി നൽകാൻ പൊതുയോഗത്തിൽ തീരുമാനിച്ചു.