പിറവം: ആശമാരുടെ ഓണറേറിയം വർദ്ധിപ്പിക്കുക, വിരമിക്കൽ ആനുകൂല്യം പ്രഖ്യാപിക്കുക എന്നീ ആവശ്യങ്ങൾ ഉന്നയിച്ചുകൊണ്ട് കേരള ആശ ഹെൽത്ത് വർക്കേഴ്സ് അസോസിയേഷൻ നടത്തുന്ന രാപകൽ സമര യാത്രക്ക് സ്വീകരണം കൊടുക്കാനുള്ള സ്വാഗത സംഘം രൂപീകരിച്ചു . രാജു പാണാലിക്കലിന്റെ അദ്ധ്യക്ഷതയിൽ കൂടിയ യോഗം പ്രമുഖ സാമൂഹ്യ പ്രവർത്തകർ പിജി സുനിൽകുമാർ ഉദ്ഘാടനം ചെയ്തു.

കെ. എൻ . രാജി, ജേക്കബ് തുമ്പയിൽ ,സി കെ നാഥൻ , കെ.ഒ. സുധീർ , കെ.ഒ. ഷാൻ , കെ കെ ഭരതൻ , സി എൻ മുകുന്ദൻ എന്നിവർ പ്രസംഗിച്ചു.

രാജു പാണാലിക്കൽ ചെയർമാൻ ആയും സി കെ നാഥൻ കൺവീനറുമായ 51 അംഗ സ്വാഗതസംഘമാണ് രൂപീകരിച്ചത്.

സംസ്ഥാന സെക്രട്ടറി എം എ ബിന്ദു മെയ് 5ന് കാസർഗോഡ് നിന്ന് ആരംഭിച്ച യാത്ര 28 ആം തീയതി 11 മണിക്ക് പിറവത്ത് എത്തിച്ചേരും. എംപി ഫ്രാൻസിസ് ജോർജ് സ്വീകരണ സമ്മേളനം ഉദ്ഘാടനം നിർവഹിക്കും.